Janar-maj 2017, rritet me 9.5 % numri i shtetasve të huaj që kanë hyrë në Shqipëri

Numri i shtetasve të huaj që kanë hyrë në Shqipëri në pesë muajt e parë 2017 është rritur me 9.5 për qind, në krahasim me të njëjtën periudhë të vitit 2016, duke shkuar në 1.321.474, njofton Instituti i Statistikave.

Numri më i madh i hyrjeve të shtetasve të huaj në vendin tonë në maj 2017 rezulton nga Kosova me 29,3 %, pasuar nga hyrjet e shtetasve nga Maqedonia me 13,6 %, Mali i Zi me 10,1 %, Greqia me 8,8 %, bën të ditur Agjencia Kombëtare e Turizmit. (ATSH)