18 студзеня старшыня КНР Ху Цзіньтаа прыбыў у Вашынгтон з афіцыйным дзяржаўным візітам у ЗША. Замежныя СМІ надаюць вялікую ўвагу гэтай падзеі і даюць ёй станоўчую ацэнку.

Вядучыя амерыканскія СМІ шырока асвятляюць візіт старшыні КНР Ху Цзіньтаа. Цытуючы словы Дзяржсакратара ЗША Хілары Клінтан, у паведамленні CNN гаворыцца, што ЗША і Кітай застануцца ўзаемазалежнымі ў эканамічнай сферы.

У артыкуле французскага інфармацыйнага агенцтва Франс прэс гаворыцца, што візіт старшыні КНР Ху Цзіньтаа ў ЗША азначае паваротны момант у кітайска-амерыканскіх адносінах.

Англійскае інфармацыйнае агенцтва Рэйтар паведамляе, што Кітай стаў другім буйным эканамічным суб'ектам пасля ЗША. Візіт старшыні КНР Ху Цзіньтаа -- найважнейшы за апошнія 30 гадоў дыялог паміж кітайскімі і амерыканскімі кіраўнікамі.

- 0 -