Сяа Хуанці – сляпы ад нараджэння. Калі хлопчыку было 4 гады, яму зрабілі аперацыю, якая крыху палепшыла яго стан. З таго моманту Сяа Хуанці пачаў займацца дзюдо і вельмі палюбіў музыку. Аднак ва ўзросце 15 гадоў ён назаўжды страціў зрок. Сяа Хуанці не здаецца – ён піша і выконвае свае песні, іграе на гітары і барабанах. Прапануем паслухаць вельмі прыгожую кампазіцыю «Ты – мае вочы», якая заваявала сэрцы тысяч меламанаў. У песні спяваецца пра маладога чалавека, які страціў зрок і марыць убачыць святло: «Калі б я мог бачыць, я б лёгка знайшоў цябе ў натоўпе, я пакатаў бы цябе на машыне, я падышоў бы да цябе і абняў. Калі б я мог бачыць, маё жыццё было б зусім іншым: я б і марыў, і кахаў па-іншаму...»