Адным з прыярытэтных напрамкаў для Беларускай чыгункі сёлета стане павелічэнне аб'ёмаў міжнародных грузавых перавозак у зносінах Кітай-Еўропа-Кітай, паведамілі ў прэс-цэнтры БЧ.
Беларуская чыгунка вызначыла напрамкі міжнароднага супрацоўніцтва на бягучы год. Будуць развівацца перавозкі ў напрамку Кітай-Беларусь-Кітай і супрацоўніцтва з рэзідэнтамі Кітайска-беларускага індустрыяльнага парку "Вялікі камень" у транспартна-лагістычнай сферы і ў арганізацыі перавозак у міжнародных зносінах. Акрамя таго, будзе наладжана ўзаемадзеянне з правінцыямі Кітая па арганізацыі перавозак паскоранымі кантэйнернымі цягнікамі.
Вялікую ўвагу нададуць узаемадзеянню з чыгуначнымі кампаніямі Расіі, Казахстана, Літвы, Латвіі, Украіны, Польшчы, Германіі, Эстоніі. - Р -