Прэзідэнт ЗША Д.Трамп падпісаў адміністрацыйны указ "Аб энергетычнай незалежнасці", якім адмяніў прынятыя Абамам меры па абароне навакольнага асяроддзя.
Указ Трамп падпісаў у Агенцтве па абароне навакольнага асяроддзя ў прысутнасці 20 працоўных вугальнай прамысловасці і дзяржаўных чыноўнікаў. "Мая адміністрацыя спыняе вайну супраць вугалю. Гэта пачатак новай энергетычнай эпохі ў ЗША", – заявіў Трамп, дадаўшы, што ўказ здымае абмежаванні на вытворчасць энергіі ў ЗША, адмяняе ўмяшальніцтва дзяржавы і меры, якія знішчаюць працоўныя месцы.
Указ Трампа адмяняе "План чыстай энергіі" Абамы, які служыў ключавым звяном ранейшай адміністрацыі ў сферы кліматычнай палітыкі, і быў накіраваны на скарачэнне парніковых выкідаў электрастанцыямі. - Р -