Радыё «Беларусь» і Кітайскае інфармацыйнае агенцтва CNS падпісалі пагадненне аб супрацоўніцтве. На сустрэчы дэлегацыі з Кітая з кіраўніцтвам Міжнароднага радыё «Беларусь» у Мінску абмеркаваны планы далейшага ўзаемадзеяння.
Подпісы пад пагадненнем паставілі Навум Гальпяровіч, галоўны дырэктар Радыё "Беларусь" Белтэлерадыёкампаніі, і Сія Чуэнпін, намеснік генеральнага дырэктара Кітайскага інфармацыйнага агенцтва CNS.
Інфармацыйнай сеткай CNS ахоплены Кітай і шэраг іншых краін. Сярод якіх - ЗША, Японія, Вялікабрытанія, Францыя, Канада, Аўстралія, Расія і інш. Зараз сярод партнёраў -- і Беларусь.