Як паведаміла сёння раніцай тайваньская служба па справах аховы здароўя, сярод пацярпелых ад зыходу з рэек пасажырскага цягніка ў павеце Ілань ёсць дзве турысткі з мацерыковай часткі Кітая, адна з іх атрымала сур'ёзныя цялесныя пашкоджанні, іншая - лёгкія.
44-гадовая жанчына па прозвішчы Яа шпіталізавана ў цяжкім стане ў мясцовую бальніцу, лекары рыхтуюцца правесці ёй аперацыю. Іншая 55-гадовая жанчына па прозвішчы Тань абышлася лёгкімі траўмамі і была выпісана з бальніцы.
Паводле паведамлення тайваньскіх уладаў, пры крушэнні цягніка загінулі 18 чалавек, 187 атрымалі раненні.
Аварыя адбылася з саставам серыі "Пуюма", які знаходзіцца ў эксплуатацыі шэсць гадоў і ў мінулым годзе праходзіў тэхабслугоўванне. Прычыны аварыі высвятляюцца.