У Кітаі зафіксавана ў агульнай складанасці 782 млн унутраных турыстычных паездак у перыяд сямідзённых канікул з нагоды Дня ўтварэння КНР, што на 7,81% больш у параўнанні з аналагічным перыядам папярэдняга года. Пра гэта сведчаць даныя Міністэрства культуры і турызму КНР. Паводле статыстыкі міністэрства, у дні свята выручка ад турызму дасягнула прыкладна 650 млрд юаняў.

"Чырвоны турызм" стаў сёлета ключавым аспектам. 79% турыстаў прынялі ўдзел у мерапрыемствах з нагоды 70-й гадавіны ўтварэння КНР, 66% падарожнікаў наведалі турыстычныя месцы, звязаныя з культурай і гісторыяй краіны.

У час канікул кітайскія турысты таксама здзейснілі больш за 7 млн замежных паездак, паведамілі ў міністэрстве. - Р -