Шэсць соцень палітыкаў, чыноўнікаў, прадстаўнікоў прадпрыемстваў, навукоўцаў і спецыялістаў з больш чым 60 краін і рэгіёнаў свету сабраліся на інавацыйна-эканамічным форуме ў Пекіне. Адкрываючы падзею, намеснік старшыні КНР Ван Цішань адзначыў, што неабходна падтрымліваць міжнародную сістэму, заснаваную на Арганізацыі Аб'яднаных Нацый, імкнуцца да стварэння больш справядлівай і рацыянальнай глабальнай сістэмы кіравання, з тым каб народы ўсяго свету маглі карыстацца пладамі эканамічнай глабалізацыі.
У той жа дзень Ван Цішань сустрэўся з былым міністрам фінансаў ЗША Генры Полсанам і іншымі ганаровымі гасцямі мерапрыемства. Абмяркоўваліся актуальныя пытанні кіравання глабальнай эканомікай, гандлю, навукі і тэхнікі, рынку капіталу, кліматычных змяненняў, развіцця, талерантнасці і урбанізацыі.