Сярэдні час для транспарціроўкі чалавечых органаў у Кітаі скараціўся на 1-1,5 гадзіны з тых часоў, як тры гады таму ў краіне пачаў працаваць "зялёны калідор", паведамілі ў Дзяржаўным камітэце па справах аховы здароўя КНР. Гэты крок накіраваны на скарачэнне часу транспарціроўкі і прадухіленне страты чалавечых органаў у мэтах павышэння шансаў выжывальнасці пацыентаў.
Паводле слоў прадстаўніка камітэта Го Яньхун, з улікам сучасных медыцынскіх тэхналогій максімальны тэрмін пераноснасці халоднай ішэміі для печані складае 12 гадзін. "Такім чынам, транспарціроўка жыццёва важных органаў з'яўляецца гонкай на час", -- дадала яна.
Га Яньхун адзначыла, што з-за велізарнай геаграфічнай тэрыторыі Кітая і ўзроўню сацыяльна-эканамічнага развіцця краіны, а таксама неабходнасці скарачэння для пацыентаў агульных выдаткаў, органы звычайна перавозяцца медыцынскім персаналам з дапамогай грамадзянскіх рэйсаў, хуткаснай чыгункі або машын хуткай дапамогі. Некаторыя нявызначаныя фактары могуць прывесці да больш доўгіх па часе перавозках, што аказвае неспрыяльны ўплыў на якасць органаў і павялічвае рызыку іх страты, сказала эксперт.
Летась у Кітаі было зарэгістравана 6302 выпадкі донарства органаў і больш за 20 тыс. аперацый па іх трансплантацыі. Па гэтых паказчыках Кітай заняў другое месца ў свеце. - Р -