16 высакапастаўленых чыноўнікаў, прызначаных у бягучым годзе на адказныя пасады ў 14 падраздзяленнях і ведамствах Дзяржсавета КНР, прынеслі падчас урачыстай цырымоніі клятву вернасці канстытуцыі краіны.

Цырымонія адбылася ў дзяржаўнай рэзідэнцыі "Чжуннаньхай" у прысутнасці прэм'ера Дзяржсавета Лі Кэцяна. У сваёй прамове па завяршэнні цырымоніі ён заявіў, што быць верным канстытуцыі краіны і выконваць законы -- абавязак кожнага дзяржслужачага, а карысць народа -- канчатковая мэта, якой усе яны павінны кіравацца ў сваіх дзеяннях.

На цырымоніі прысутнічалі віцэ-прэм'еры Дзяржсавета КНР Хань Чжэн, Ху Чуньхуа, Лю Хэ, а таксама члены Дзяржсавета Ван Юн і Ван І.