Прынамсі два чалавекі загінулі і сямёра параненыя пасля таго, як вайскоўцы Індыі і Пакістана ўступілі ў жорсткую перастрэлку і абмяняліся ўдарамі з мінамётаў на лініі сапраўднага кантролю ў Кашміры. Пра гэта паведамілі афіцыйныя крыніцы.

Бакі атакавалі пазіцыі адно аднаго і месца пражывання мірных жыхароў у раёнах Шахпур і Кірні горада Пунч, размешчанага на адлегласці каля 185 км на паўднёвы-захад ад горада Срынагар, які з'яўляецца летняй сталіцай падкантрольнай Індыі часткі Кашміра.

"Падчас перастрэлкі два чалавекі загінулі і сямёра былі параненыя", -- паведаміў Сіньхуа па тэлефоне кіраўнік раённага ўпраўлення па горадзе Пунч Рахул Ядаў. -- "Параненыя былі шпіталізаваны ў бальніцы".

Перастрэлка пачалася ў 14:30 па мясцовым часе і працягвалася да моманту паступлення апошняй інфармацыі з поля бою.

Па словах Р. Ядава, індыйская армія паведаміла, што яна дала адэкватны адказ на абстрэл з боку Пакістана.

Пра шкоду, панесеную пакістанскім бокам, пакуль не паведамлялася.