Паводле інфармацыі двухмоўнага кітайска-італьянскага навінавага мабільнага прыкладання, 15 снежня генеральны дырэктар Медыякарпарацыі Кітая Шэнь Хайсюн даў эксклюзіўнае інтэрв'ю тэлеканалу найбуйнейшага італьянскага камерцыйнага медыяхолдынга Mediaset TGCOM 24.
Калі вядучы спытаў, ці з'яўляюцца паведамленні кітайскіх і заходніх СМІ пра Сянган праўдзівымі і аб'ектыўнымі, Шэнь Хайсюн сказаў, што ў навінах аб Сянгане некаторыя заходнія СМІ "перагінаюць палку", патураючы аднаму з бакоў.
"Напрыклад, яны не паказваюць проціборства маладых людзей з паліцыяй і простымі людзьмі, а здымаюць толькі дзеянні ў адказ паліцэйскіх, а потым кажуць, што паліцыя збівае студэнтаў. У Сянгане прававое грамадства, як жа ў гэтым выпадку паліцыя можа спецыяльна займацца збіццём студэнтаў!?",- сказаў Шэнь Хайсюн.
"Факт у тым, што гэтыя маладыя людзі спачатку здзейснілі супрацьпраўныя дзеянні. Сёння падзеі ў Сянгане паступова сходзяць на нішто. У гэтым працэсе цэнтральны ўрад строга прытрымліваецца асноўнага палітычнага курсу "адна краіна-дзве сістэмы", - адзначыў Шэнь Хайсюн.
"У той жа час я лічу, што грамадская незадаволенасць некаторых маладых сянганцаў у поўнай меры прадэманстравала крайні характар сацыяльнага ладу капіталістычнай сістэмы і разрыў паміж багатымі і беднымі пластамі насельніцтва. Чаму Шэньчжэнь, які знаходзіцца па іншы бок Сянгана, выдатна развіваецца, нават абганяючы Сянган па ВУП? ",- задаў рытарычнае пытанне Шэнь Хайсюн. "У гэтым якраз і выявіліся перавагі сацыялістычнага ладу з кітайскай спецыфікай", - дадаў ён.
«Падзеі ў Сянгане дазволілі розным слаям грамадства кантынентальнага Кітая яшчэ лепш усвядоміць, што трэба шанаваць цяперашні грамадскі лад, высока шанаваць цяперашнія ўмовы развіцця, упарта працаваць, займацца эканомікай, умацоўваючы ўпэўненасць ва ўласных сілах", - падсумаваў генеральны дырэктар Медыякарпарацыі Кітая.
Па яго словах, «падзеі ў Сянгане – гэта дрэнна, але, кажучы пра грамадскасць кантынентальнага Кітая, цяпер яшчэ больш умацаваліся усеагульнае яднанне і згуртаванасць».