Народны банк Кітая абвясціў пра рашэнне знізіць працэнт адлічэнняў у рэзервовы фонд па ашчадных укладах /reserve requirement ratio, RRR/ у грашова-фінансавых установах краіны на 50 базісных пунктаў з 6 студзеня ў мэтах падтрымкі развіцця рэальнага сектара эканомікі.

Гэты крок скароціць наяўныя сродкі, якія крэдыторы павінны трымаць у якасці рэзерваў, вызваліўшы каля 800 млрд юаняў доўгатэрміновай ліквіднасці для ўмацавання эканомікі і зніжэння кошту сацыяльнага фінансавання, паведаміў неназваны чыноўнік НБК.

Паводле яго слоў, гэта кампенсуе ўплыў попыту на наяўныя грошы напярэдадні Свята вясны, і агульная ліквіднасць у банкаўскай сістэме будзе ў асноўным стабільнай.

Чыноўнік падкрэсліў, што ўраўнаважаная манетарная палітыка ў Кітаі не змянілася. - Р -