Кітай гатовы цалкам адкрыць свой рынак разведкі і здабычы нафты і газу, дазволіўшы прыватным айчынным прадпрыемствам, прадпрыемствам з замежным капіталам і іншым арганізацыям ажыццяўляць інвестыцыйную дзейнасць у гэтай галіне. Пра гэта 9 студзеня паведамілі ў Міністэрстве прыродных рэсурсаў Кітая.

Як гаворыцца ў паведамленні, зарэгістраваная ў Кітаі айчынная або замежная кампанія, кошт чыстых актываў якой не менш за 300 млн юаняў, мае права на атрыманне дазволу на разведку і распрацоўку радовішчаў нафты і газу ў адпаведнасці з наяўнымі нормамі. Пры вядзенні работ па разведцы і здабычы нафты і газу прадпрыемствы павінны выконваць правілы бяспекі і аховы навакольнага асяроддзя, а таксама валодаць адпаведнымі тэхнічнымі магчымасцямі. - Р -