Аперацыйная сістэма Harmony OS ужо гатовая і ў будучыні будзе прымяняцца ў розных прадуктах кампаніі: смартфонах, планшэтах і тэлевізарах. Пра гэта заявіў кіраўнік і заснавальнік кітайскай кампаніі Huawei Жэнь Чжэнфей, які ўпершыню за пяць гадоў прыляцеў у Давос на Сусветны эканамічны форум.

Зараз Harmony OS знаходзіцца на этапе паскоранага развіцця. Па прагнозах спецыялістаў, да канца гэтага года Harmony OS перасягне Linux і стане пятай па папулярнасці аперацыйнай сістэмай для мабільных прылад.

Жэнь Чжэнфей таксама паведаміў аб тым, што Huawei не стане распрацоўваць уласны аўтамабіль, але будзе супрацоўнічаць з вытворцамі аўто ў сферы мультымедыйных сістэм, сістэм абмену данымі з дарожнай інфраструктурай, 5G і інш.