24 студзеня ў 20 гадзін па пекінскім часе пачаўся гала-канцэрт Медыякарпарацыі Кітая, прысвечаны Новаму году па месяцовым календары - году Пацука. Прамы эфір грандыёзнага прадстаўлення вёўся з Пекіна, канцэрт на двух іншых пляцоўках - у Чжэнчжоу і рэгіёне «Вялікага заліва» - выйшаў сінхронна ў запісе. Дэвіз падзеі - «Спакой у Новы год». Нумары адлюстроўвалі сацыяльную згуртаванасць у барацьбе з новым каронавірусам, будаўніцтве грамадства сярэдняга дастатку, ліквідацыі галечы і інш.
Адзіным неадрэпеціраваным эпізодам у гісторыі кітайскага тэлевізійнага навагодняга канцэрта стаў верш на надзённую тэму эпідэміі «Любоў - гэта мост». 6 вядомых вядучых Медыякарпарацыі Кітая Бай Яньсун, Шуй Цзюньі, Кан Хуэй, Хэ Хунмэй, Хай Ся і Аян Сядань прачыталі кранальныя радкі. «Вы ў бяспецы - 1,4 мільярды чалавек! Мы павінны перамагчы ў гэтай барацьбе! Дзякуй усім, хто працуе на карысць спакою ў Новы год! Уханьцы, мы разам пераадолеем усе цяжкасці! »
Гэтыя радкі адлюстравалі мужнасць жыхароў горада Ухань і самазабыўныя намаганні медыкаў у лячэнні і выратаванні жыцця пацярпелых падчас раптоўнай атакі невядомай заразы.
Нумар, які ўвайшоў у праграму гала-канцэрта ў самы апошні момант, распавядаў пра прафілактыку пнеўманіі і барацьбу з ёй сотняў мільёнаў чалавек, гледачамі стала ўсё кітайскае насельніцтва.