У Кітаі доля цяжкіх і крытычных выпадкаў захворвання на пнеўманію COVID-19 сярод усіх пацверджаных выпадкаў заражэння значна знізілася, паведаміў у нядзелю Дзяржкамітэт па справах аховы здароўя КНР.
Ва Ухане, эпіцэнтры эпідэміі, доля цяжкіх выпадкаў знізілася з 32,4% 28 студзеня -- да 21,6% 15 лютага, адзначыў прадстаўнік Джяржкамітэта Мі Фэн на прэс-канферэнцыі ў Пекіне. Паводле яго звестак, у іншых раёнах правінцыі Хубэй гэты паказчык знізіўся з 18,4% 27 студзеня да 11,1% 15 лютага. Працэнтная доля цяжкіх і крытычных выпадкаў захворвання COVID-19 у іншых адміністрацыйных адзінках правінцыйнага ўзроўню Кітая таксама значна знізілася. "Гэтыя змены даказалі эфектыўнасць мер па прафілактыцы і стрымліванні эпідэміі", -- адзначыў прадстаўнік.
Паводле яго слоў, медыкі прымаюць розныя меры ў адносiнах да пацыентаў, у якіх пацвердзілі заражэнне COVID-19, асоб, якія мелі з імі цесныя кантакты, людзей з падазрэннем на заражэнне каранавірусам, а таксама хворых з высокай тэмпературай. "Розныя меры забяспечваюць своечасовае лячэнне вялікай колькасці пацыентаў з лёгкімі сімптомамі захворвання, зніжаючы верагоднасць таго, што яны стануць цяжкахворымі", -- падкрэсліў Мі Фэн.