Кітайскі эпідэміёлаг даў ацэнку сітуацыі з распаўсюджаннем каранавіруса ў Пекіне
  2020-06-17 18:16:57  cri  [  Паслаць сябру ] [  Раздрукаваць ]    [ шрыфт : A A A ]  

Колькасць выпадкаў, якія будуць зарэгістраваны ў Пекіне на працягу наступных трох дзён, вызначыць напрамак развіцця эпідэміялагічнай сітуацыі. Пра гэта заявіў 15 чэрвеня эпідэміёлаг Кітайскага цэнтра па кантролі і прафілактыцы захворванняў У Цзюць.

Пасля таго, як у Пекіне 11 чэрвеня паўторна ўспыхнула эпідэмія, неадкладна прагучаў сігнал трывогі, рынак «Сіньфадзі» быў закрыты, аператыўна былі зроблены рашучыя меры, падкрэсліў эксперт. Ён выказаў здагадку, што ў далейшыя некалькі дзён колькасць інфіцыраваных можа ўзрастаць.

Рэакцыя пекінскіх уладаў была вельмі хуткай, пацвердзіў У Цзюнь. Паводле яго слоў, улады Пекіна змогуць утрымаць сітуацыю з распаўсюджваннем каранавіруса пад кантролем пасля ўспышкі. Мяркуючы па наяўных даных, эпідэміёлаг прыйшоў да высновы, што першыя заражаныя з'явіліся яшчэ ў канцы траўня.

Папярэднія вынікі даследавання паказваюць, што вірус паўстаў не ў Пекіне, ён быў завезены, заявіў У Цзюнь. На яго думку, адной з магчымых крыніц новай успышкі маглі стаць заражаныя прадукты, або распаўсюджанне захворвання магло адбыцца ад інфіцыраваных людзей, якія прыехалі ў Пекін, адзначыў эксперт. Ён таксама сказаў, што даследчыкі параўналі выяўлены штам каранавіруса са штамамі двухмесячнай даўніны, якія распаўсюдзіліся ў Кітаі і свеце. "У выніку аналізу мы прыйшлі да высновы, што вірус мог быць завезены з Еўропы», - удакладніў эксперт. - Р -

каменціраваць
Міністэрства абароны Кітая правяло ўрачысты прыём з нагоды 92-й гадавіны НВАК
Паездка Лі Кэцяна ва Узбекістан і Тайланд умацуе сувязі і супрацоўніцтва паміж краінамі ШАС і ва Усходняй Азіі
© China Radio International.CRI. All Rights Reserved.
16A Shijingshan Road, Beijing, China. 100040