Сезон Сяасюе («Малыя снягі») - 20-ы сезон сельскагаспадарчага календара. Ён пачынаецца 22-23 лістапада. Першы снег у Паўночным Кітаі нагадвае пра набліжэнне самага халоднага часу года.

У сезон Сяасюе часцей за ўсё стаіць змрочнае і халоднае надвор'е. Яно адмоўна ўплывае на настрой чалавека і ўскладняе самаадчуванне людзей, схільных да меланхоліі. Менавіта таму ў гэтыя пахмурныя і змрочныя дні вельмі важна ўмець рэгуляваць свой настрой.

Змена настрою - рэч нармальная і дапушчальная, у звычайных умовах не ўплывае на самаадчуванне. Да захворванняў і парушэнняў функцый арганізма прыводзіць толькі доўгачасовае і ўстойлівае раздражненне і разлад.

З улікам напрацовак сучаснай еўрапейскай і традыцыйнай кітайскай медыцыны мы рэкамендуем асобам, схільным да меланхоліі, старацца сачыць за перападамі настрою, падтрымліваць аптымізм, стрымліваць празмерныя радасць і гнеў. Часцей займайцеся спортам, у тым ліку на адкрытым паветры - гэта добра дапамагае ўмацаванню здароўя. Больш шпацыруйце, слухайце спакойную або лёгкую лірычную музыку.

Вядомы лекар дынастыі Цін У Шансянь казаў: «Пры хваробах, выкліканых эмацыйнымі фактарамі, варта любавацца кветкамі, каб развеяць нудоту; слухаць музыку, каб выгнаць смутак. Гэта нашмат лепш, чым прымаць лекі ».

Апранайцеся адпаведна надвор'ю. Рэкамендуецца трымаць у цяпле ніжнюю частку цела, асабліва паясніцу, калені і пяткі. Ногі цалкам павінны быць у цяпле, і вушы павінны быць прыкрытыя цёплай шапкай.

Важнае значэнне мае і харчаванне. У многіх кітайскіх крыніцах для сезона Сяасюе рэкамендавана страва - смажаная салера з грыбамі.