Прэзідэнт РФ Уладзімір Пуцін у пятніцу на прэс-канферэнцыі па выніках сустрэчы са старшынёй КНР Сі Цзіньпінам заявіў, што мае намер у верасні ўдзельнічаць у святкаванні ў Кітаі 70-й гадавіны Перамогі ў Другой сусветнай вайне.
"Разам з іншымі замежнымі лідарамі прымем удзел у мерапрыемствах, прысвечаных 70-й гадавіне Перамогі ў Другой сусветнай вайне, а ў верасні ўжо ў Пекіне будзем адзначаць заканчэнне Другой сусветнай вайны. Ушануем памяць тых, хто плячом да пляча змагаўся супраць мілітарысцкай Японіі", -- сказаў У. Пуцін.
Па словах прэзідэнта РФ, у Другой сусветнай вайне СССР і Кітай панеслі найбольшыя страты. "Таму мы паслядоўна выступаем супраць любых спробаў рэабілітацыі нацызму і мілітарызму, супраць фальсіфікацыі гісторыі", -- адзначыў ён. ----0