Дзіўна, што ў Кітаі гэтыя незвычайныя па прыгажосці кветкі не прынята дарыць. У гэтай кветкі сваё асаблівае свята. Адзначаецца яно 9-га чысла 9-га месяца па месячным календары.

Хрызантэмы займаюць асаблівае месца ў кітайскай культуры. Як у старажытным, так і ў сучасным Кітаі кветкі і некаторыя віды раслін лічацца сімваламі тых ці іншых якасцяў чалавека. Так, архідэя сімвалізуе прыгажосць і сціпласць, бамбук – шчырасць і мужнасць, персік – даўгалецце, а хрызантэма – гэта сімвал дасканаласці, восеньскага спакою і багацця.