У Пекіне прайшла рэпетыцыя цырымоніі адкрыцця Алімпіяды-2022
На стадыёне "Птушынае гняздо" ў Пекіне прайшла рэпетыцыя цырымоніі адкрыцця зімовых Алімпійскіх гульняў. Удзел у ёй узялі каля 4-х тысяч чалавек. Сама ж цырымонія пройдзе 4 лютага і працягнецца крыху больш за паўтары гадзіны. Яе пастаноўшчык – вядомы рэжысёр Чжан Імоу, які ў 2008-м ужо ставіў цырымоніі адкрыцця і закрыцця летніх Гульняў у Пекіне.
Галоўная ідэя шоў -- прыхільнасць Кітая канцэпцыі адзінага лёсу чалавецтва і дэманстрацыя свету эканамічнай, бяспечнай і яркай Алімпіяды. Дзень адкрыцця галоўнай спартыўнай падзеі супадае з пачаткам сезона «лічунь» («пачатак вясны») традыцыйнага кітайскага аграрнага календара, і тэма вясны таксама будзе абыграна ў цырымоніі.