Знешнегандлёвы абарот Кітая ў 2020 годзе вырас на 1,9%
Летась аб'ём імпарту і экспарту тавараў Кітая вырас на 1,9% і склаў 32,16 трлн юаняў, дасягнуўшы рэкорднага ўзроўню.
Паводле даных Галоўнага мытнага ўпраўлення Кітая, экспарт краіны вырас на 4%, а імпарт знізіўся на 0,7%. Толькі ў снежні экспарт у юанях вырас на 10,9% у гадавым вылічэнні.
Кітай пераадолеў глабальныя эканамічныя і гандлёвыя выклікі і стаў адзіным буйным эканамічным суб'ектам у свеце, які прадэманстраваў станоўчы рост знешняга гандлю таварамі, заявіў афіцыйны прадстаўнік ГТУ Лі Куйвэнь на прэс-канферэнцыі.
"За першыя 10 месяцаў мінулага года знешні гандаль і экспарт Кітая адпаведна склалі 12,8 і 14,2 працэнтаў сусветных аб'ёмаў, і абодва паказчыкі дасягнулі гістарычнага максімуму", -- сказаў Лі Куйвэнь са спасылкай на СГА і статыстыку розных краін.