Кітай выступае супраць любых афіцыйных кантактаў паміж ЗША і Тайванем

Кітай выступае супраць любых формаў палітычных кантактаў паміж ЗША і Тайванем. Пра гэта 14 студзеня заявіў афіцыйны прадстаўнік МЗС КНР Чжаа Ліцзянь. Ён таксама дадаў, што асобным амерыканскім палітыкам давядзецца заплаціць высокую цану за свае памылковыя выказванні і дзеянні.

Чжаа Ліцзянь зрабіў гэту заяву на штодзённым брыфінгу, адказваючы на пытанне аб перамовах, якія пастаянны прадстаўнік ЗША ў ААН Кэлі Крафт па відэасувязі правяла з кіраўніком адміністрацыі Тайваня Цай Інвэнь.

"Выказванні і дзеянні К. Крафт -- умяшанне ва ўнутраныя справы КНР, яны сур'ёзна парушаюць прынцып адзінага Кітая і тры кітайска-амерыканскія сумесныя камюніке, а таксама супярэчаць палітычным абавязацельствам ЗША ў тайваньскім пытанні. Кітай выступае рашуча супраць гэтага", -- адзначыў Чжаа Ліцзянь.

"ААН складаецца з суверэнных дзяржаў. Удзел Тайваня ў дзейнасці міжнародных арганізацый, уключаючы СААЗ, павінна рэгулявацца ў адпаведнасці з прынцыпам аднаго Кітая", -- падкрэсліў Чжаа Ліцзянь, дадаўшы, што гэта важны прынцып, які прызнаны ў рэзалюцыі 2758 Генеральнай асамблеі ААН і ў рэзалюцыі 25.1 Сусветнай асамблеі аховы здароўя.

"Цэнтральны ўрад КНР надае вялікую ўвагу здароўю і дабрабыту тайваньскіх суайчыннікаў. З пачатку ўспышкі COVID-19 мы пастаянна і своечасова інфармавалі Тайвань аб апошніх зменах у сітуацыі з прафілактыкай і кантролем эпідэміі, а таксама распачалі належныя дзеянні для таго, каб забяспечыць удзел Тайваня ў вырашэнні глабальных пытанняў аховы здароўя", -- сказаў прадстаўнік МЗС КНР.

Па словах прадстаўніка МЗС КНР, Злучаным Штатам варта спыніць умешвацца ва ўнутраныя справы КНР і падрываць кітайска-амерыканскія адносіны. "Кітай працягне прымаць усе неабходныя меры для рашучай абароны свайго суверэнітэту, бяспекі і інтарэсаў.