បន្ទាប់ពីដាក់ចេញបញ្ជីបន្ថែមយកពន្ធដារមានទឹកប្រាក់៥ម៉ឺនលានដុល្លារអាមេរិកចំពោះទំនិញប្រទេសចិននាពេលកន្លងទៅនេះ រដ្ឋាភិបាលអាមេរិកបានគំរាមកំហែងនឹងបង្កើតបញ្ជីផលិតផលបន្ថែមយកពន្ធដារមានទឹកប្រាក់២សែនលានដុល្លារអាមេរិកទៀតផង។មតិអន្តរជាតិបានទិទៀនដោយឡែកពីគ្នានូវទង្វើឯកតោភាគីរបស់អាមេរិក ហើយបានថ្កោលទោសថាអាមេរិកបង្កសង្រ្គាមពាណិជ្ជកម្ម ល្មើសនឹងសណ្តាប់ធ្នាប់ទីផ្សារ បានបំផ្លាញរបៀបរៀបរយពាណិជ្ជកម្មពិភពលោក។
លោកប្រធានសមាគមផលិតករបរិក្ខារអាមេរិកបានថ្លែងថា ការបន្ថែមយកពន្ធគយគឺបន្ថែមពន្ធដារទៅលើអ្នកប្រើប្រាស់អាមេរិក ធ្វើបែបនេះនឹងធ្វើឲ្យផលិតកម្មការងាររបស់អាមេរិកប្រឈមនឹងហានិភ័យ។
SankeiShimbunនៃប្រទេសជប៉ុនវែកញែកថា វិធានការការពារនិយមផ្នែកពាណិជ្ជកម្មមួយចំនួនរបស់រដ្ឋាភិបាលអាមេរិកត្រូវបានសម្ព័ន្ធមិត្តប្រឆាំងយ៉ាងខ្លាំង។គោលនយោបាយការពារនិយមផ្នែកពាណិជ្ជកម្មដ៏រឹងមាំរបស់អាមេរិកជាមូលហេតុសំខាន់មួយក្នុងការបំផ្លាញរបៀបរៀបរយនៃពាណិជ្ជកម្មពិភពលោក។
