តាមស្ថិតិផ្លូវការកម្ពុជាឲ្យដឹងថា ការវិនិយោគផ្ទាល់របស់ចិននៅកម្ពុជាគិតត្រឹមដំណាច់ឆ្នាំ ២០១៧ សរុបមានដល់ទៅ ១២៦០០ លានដុល្លារអាមេរិក តំបន់ពិសេសសេដ្ឋកិច្ចខេត្តសីហនុបានផ្តល់ឱកាសការងារជិត ២០០០០ នៅតំបន់នោះ ។
រសៀលថ្ងៃទី ១៩ ខែមិថុនា លោកស្រីកាវយាន អនុរដ្ឋមន្ត្រីក្រសួងពាណិជ្ជកម្មចិនបានដឹកនាំគណៈប្រតិភូសេដ្ឋកិច្ចពាណិជ្ជកម្មរដ្ឋាភិបាលចិនទៅក្រុងភ្នំពេញប្រទេសកម្ពុជាដើម្បីរៀបចំសន្និសីទលើកទី ៥ នៃគណៈកម្មាធិការកិច្ចសហប្រតិបត្តិការសេដ្ឋកិច្ចនិងពាណិជ្ជកម្មរវាងចិននិងកម្ពុជា ។ លោកស្រីកាវយានថ្លែងថា ភាគីចិននឹងបង្កើនកិច្ចសហប្រតិបត្តិការជាមួយកម្ពុជាក្នុងក្របខ័ណ្ឌតំបន់និងពហុភាគី ដូចជាWTO ១០ បូក ១ និងកិច្ចសហប្រតិបត្តិការទន្លេឡានឆាងទន្លេមេគង្គជាដើម ការពារសកលភាវូបនីយកម្មសេដ្ឋកិច្ចនិងសេរីភាវូបនីយកម្មពាណិជ្ជកម្ម ជំរុញឲ្យបញ្ចប់ការចរចាស្តីពីទំនាក់ទំនងដៃគូសេដ្ឋកិច្ចគ្រប់ជ្រុងជ្រោយក្នុងតំបន់ក្នុងពេលឆាប់ៗ និងរួមគ្នាកសាងសហគមន៍រួមវាសនាតែមួយនៃមនុស្សជាតិ ៕