ថ្ងៃទី១៦ខែធ្នូ តាមម៉ោងក្នុងតំបន់ លោកBoungnang Vorachithអគ្គលេខាធិការនៃគណៈកម្មាធិការមជ្ឈិមបក្សបដិវត្តន៍ប្រជាជនឡាវនិងជាប្រធានរដ្ឋឡាវបានជួបពិភាក្សាជាមួយលោកវ៉ាងអ៊ីសមាជិកក្រុមប្រឹក្សាកិច្ចការរដ្ឋនិងជារដ្ឋមន្រ្តីការបរទេសចិន។
ថ្លែងក្នុងកិច្ចជំនួប លោកវ៉ាងអ៊ីបានលើកឡើងថា លោកស៊ីជីនភីងអគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិននិងលោកBoungnang Vorachithបានរក្សាទស្សនកិច្ចជាន់ខ្ពស់គ្នាយ៉ាងស្អិតល្មួតនិងការទាក់ទងជាយុទ្ធសាស្រ្ត ដែលបានដើរតួនាទីណែនាំចំពោះការអភិវឌ្ឍទំនាក់ទំនងរវាងបក្សទាំងពីរនិងប្រទេសទាំងពីរ។ឆ្នាំ២០១៩គឺជាខួបទី១០នៃការបង្កើតទំនាក់ទំនងភាពជាដៃគូសហប្រតិបត្តិការយុទ្ធសាស្រ្តគ្រប់ជ្រុងជ្រោយរវាងចិននិងឡាវ ប្រទេសចិនរីករាយរួមសហការជាមួយប្រទេសឡាវ ដើម្បីអនុវត្តផ្លែផ្កានៃដំណើរទស្សនកិច្ចទៅវិញទៅមករបស់ថ្នាក់ដឹកនាំនៃបក្សទាំងពីរនិងប្រទេសទាំងពីរ ក៏ដូចជាជំរុញដោយគ្រប់ជ្រុងជ្រោយនូវកិច្ចសហប្រតិបត្តិការលើគ្រប់វិស័យរវាងប្រទេសទាំងពីរ។
ជាការឆ្លើយតប លោកBoungnang Vorachithបានថ្លែងថា ទំនាក់ទំនងរវាងបក្សទាំងពីរនិងប្រទេសទាំងពីរកំពុងស្ថិតក្នុងដំណាក់កាលល្អបំផុតក្នុងប្រវត្តិសាស្រ្ត។ ឆ្នាំ២០១៨នេះ ខ្ញុំបានជួបពិភាក្សាដោយជោកជ័យពីរដងជាមួយលោកស៊ីជីនភីង យើងបានឈានដល់គំនិតឯកភាពរួមសំខាន់អំពីការបង្កើតសហគមន៍រួមវាសនារវាងឡាវនិងចិន។ប្រទេសឡាវយកចិត្តទុកដាក់ខ្ពស់ចំពោះកិច្ចកសាងផ្លូវដែកពីឡាវដល់ចិន បច្ចុប្បន្ន គម្រោងសាងសង់បានដំណើរការដោយរលូន៕
