តាមការផ្សាយដំណឹងនៃប្រព័ន្ធសារព័ត៌មានអ៊ីរ៉ង់បានឲ្យដឹងថា លោក Ali Asghar Mounesan អនុប្រធានាធិបតីនិងជាប្រធាននៃអង្គការបេតិកភណ្ឌវប្បធម៌ សិប្បកម្មនិងទេសចរណ៍អ៊ីរ៉ង់បានថ្លែងក្នុងពេលថ្មីៗនេះថា វត្ថុបុរាណចំនួន១៧៨៤គ្រឿងក្នុងសម័យរជ្ជកាល Achaemenidនៃពែក្សនឹងត្រូវសហរដ្ឋអាមេរិកសងឲ្យប្រទេសអ៊ីរ៉ង់វិញ ។ តាមដំណឹងបានឲ្យដឹងថា វត្ថុបុរាណទាំងអស់នេះ គឺ៨០ឆ្នាំមុនប្រទេសអ៊ីរ៉ង់ខ្ចីឲ្យវិទ្យាស្ថានស្រាវជ្រាវបូព៌ានៃសកលវិទ្យាល័យឈីកាហ្គោសហរដ្ឋអាមេរិកសម្រាប់ការសិក្សាស្រាវជ្រាវផ្នែកវិទ្យាសាស្រ្ត៕