ថ្ងៃទី២០ខែកុម្ភៈ លោកAntonio Guterresអគ្គលេខាធិការអង្គការសហប្រជាជាតិបានចេញសេចក្តីថ្លែងការណ៍តាមរយៈអ្នកនាំពាក្យរបស់លោកដោយបាន អះអាងថាលោកកំពុងបន្តយកចិត្តទុកដាក់ខ្ពស់ចំពោះស្ថានការណ៍នៅអាស៊ីខាងត្បូង ហើយអំពាវនាវឱ្យរដ្ឋាភិបាលឥណ្ឌានិងប៉ាគីស្ថានរក្សាការអត់ធ្មត់។
តាមការផ្សាយដំណឹងឱ្យដឹងថា កាលពីថ្ងៃទី១៤ខែកុម្ភៈ នៅតំបន់Pulwamaកាស្មៀរដែលគ្រប់គ្រងដោយឥណ្ឌាបានកើតមានករណីវាយប្រហារបែបអត្តឃាតមួយ ដែលបានបណ្តាលឱ្យប៉ូលិសឥណ្ឌាជាង៤០នាក់ស្លាប់ និងរាប់សិបនាក់ទៀតរងរបួស។ ឥណ្ឌាចោទប្រកាន់ថាប៉ាគីស្ថានថាមានពាក់ព័ន្ធនឹងករណីវាយប្រហារនេះ ហើយប៉ាគីស្ថានបានធ្វើការតវ៉ាចំពោះការចោទប្រកាន់របស់ឥណ្ឌានិងបានកោះហៅឧត្តមស្នងការរបស់ខ្លួនប្រចាំនៅឥណ្ឌាមកវិញ៕