លោក Zhao Jianhua ឯកអគ្គរដ្ឋទូតចិនប្រចាំនៅប្រទេសហ្វីលីពីនបានជួបសន្ទនាជាមួយលោកDuterte ប្រធានាធិបតីហ្វីលីពីននៅក្រុង Manila កាលពីថ្ងៃទី២០ខែកុម្ភៈ។
ឯកអគ្គរដ្ឋទូត Zhao Jianhua បានជម្រាបជូននូវការផ្តាំផ្ញើការសួរសុខទុក្ខរបស់លោកប្រធានរដ្ឋចិនXiJinpingជូនចំពោះប្រធានាធិបតីលោក Duterte ។ លោក Zhao Jianhua បានថ្លែងថា រដ្ឋាភិបាលចិនយកចិត្តទុកដាក់ខ្ពស់និងរំពឹងទុកថា ប្រធានាធិបតីលោក Duterte នឹងចូលរួមវេទិកាកំពូលសម្រាប់កិច្ចសហប្រតិបត្តិការអន្តរជាតិស្តីពីគំនិតផ្តួចផ្តើមខ្សែក្រវាត់មួយផ្លូវមួយលើកទី២ ។ លោកជឿជាក់ថា ការចូលរួមរបស់ប្រធានាធិបតីDuterte នឹងជំរុញថែមមួយកម្រិតទៀតនូវការកសាងខ្សែក្រវាត់មួយផ្លូវមួយ ហើយបញ្ជូននូវចលករថ្មីដល់ការអភិវឌ្ឍនៃទំនាក់ទំនងទ្វេភាគី៕