យប់ថ្ងៃទី ២០ ខែមិថុនា លោកស៊ីជីនភីង អគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិននិងជាប្រធានរដ្ឋចិនជាមួយនឹងលោកស្រីPeng Liyuan ជាឧត្តមភរិយាបានទស្សាការសម្តែងកាយសម្ព័ន្ធទ្រង់ទ្រាយធំនិងការសម្តែងសិល្បៈជាមួយប្រជាជនមជ្ឈដ្ឋាននានានៃកូរ៉េខាងជើងនៅពហុកីឡដ្ឋានថ្ងៃទី ១ ឧសភាក្រុងព្យុងយ៉ាងដោយមានលោកគីមជុងអ៊ុន ប្រធានបក្សពលករកូរ៉េខាងជើងនិងជាប្រធាននៃគណៈកម្មាធិការកិច្ចការរដ្ឋកូរ៉េខាងជើងនិងលោកស្រីឧត្តមភរិយាអមដំណើរ ។
ការសម្តែងសិល្បៈលើកនេះមានលក្ខណៈពិសេសកូរ៉េខាងជើង និងបានបង្ហាញពីបំណងប្រាថ្នាចំពោះជីវភាពដ៏ល្អបវររបស់ប្រជាជនកូរ៉េខាងជើង បំណងប្រាថ្នាដ៏ខ្លាំងក្លាដើម្បីបន្តនិងអភិវឌ្ឍមិត្តភាពរវាងចិននិងកូរ៉េខាងជើង និងការស្វាគមន៍យ៉ាងកក់ក្តៅចំពោះដំណើរទស្សនកិច្ចរបស់លោកស៊ីជីនភីងលើកនេះ ៕