ថ្ងៃទី ១៩ ខែកក្កដា លោកGeng shuang អ្នកនាំពាក្យក្រសួងការបរទេសចិនបានថ្លែងថា សន្និសីទថ្នាក់រដ្ឋមន្ត្រីស្តីពីការលើកកម្ពស់សេរីភាពសាសនាដែលភាគីអាមេរិកធ្វើឡើងនាពេលកន្លងទៅ បានមួលបង្កាច់គោលនយោបាយសាសនានិងសេរីភាពនៃជំនឿសាសនារបស់ប្រទេសចិន និងបានជ្រៀតជ្រែកចូលក្នុងកិច្ចការផ្ទៃក្នុងរបស់ចិន ភាគីចិនសម្តែងការមិនពេញចិត្តយ៉ាងខ្លាំងនិងប្រឆាំងយ៉ាងម៉ឺងម៉ាត់ ដោយបានធ្វើការតវ៉ាយ៉ាងខ្លាំងចំពោះភាគីមេរិក ។
លោកGeng shuang បានឆ្លើយនឹងសំណួរនៅក្នុងសន្និសីទសារព័ត៌មានជាប្រចាំថា ប្រជាជនគ្រប់ជនជាតិនានានៃប្រទេសចិនមានសេរីភាពខាងជំនឿសាសនាយ៉ាងពេញលេញតាមច្បាប់ ។ ប៉ុន្តែជាមួយគ្នានេះ រដ្ឋាភិបាលចិនដាច់ខាតមិនអនុញ្ញាតឱ្យនរណាម្នាក់ធ្វើសកម្មភាពល្មើសច្បាប់ដោយយកលេសក្នុងនាមសាសនាឡើយ ។ ភាគីចិនប្រឆាំងយ៉ាងដាច់ខាតចំពោះប្រទេសណាមួយនិងកម្លាំងណាមួយដែលជ្រៀតជ្រែកកិច្ចការផ្ទៃក្នុងប្រទេសចិនដោយយកលេសក្នុងនាមសេរីភាពខាងសាសនា ៕
