សន្និសីទជាន់ខ្ពស់នៃមន្ត្រីសេដ្ឋកិច្ចអាស៊ានដែលបានបិទបញ្ចប់នៅក្រុងបាងកកកាលពីថ្ងៃទី ១៨ ខែកក្កដាបានឯកភាពគ្នាថា ដើម្បីជំរុញពាណិជ្ជកម្មសេរីរវាងបណ្តាប្រទេសអាស៊ាននានា សន្និសីទថ្នាក់រដ្ឋមន្ត្រីសេដ្ឋកិច្ចអាស៊ានដែលនឹងប្រារព្ធឡើងនៅខែកញ្ញាឆ្នាំនេះនឹងចុះហត្ថលេខាលើកិច្ចព្រមព្រៀងចំនួន ២ ពោលគឺកិច្ចព្រមព្រៀងស្តីពីយន្តការសហការនិងទទួលស្គាល់រួមគ្នានូវរថយន្តនិងគ្រឿងបន្លាស់មានពាក់ព័ន្ធ ព្រមទាំងកិច្ចព្រមព្រៀងស្តីពីការកែលម្អយន្តការអំពីការដោះស្រាយជម្លោះ ។
មុននេះ បណ្តាប្រទេសអាស៊ាននានាបានចុះហត្ថលេខាលើកិច្ចព្រមព្រៀងនៃយន្តការសហការនិងទទួលស្គាល់រួមគ្នានូវការកែច្នៃម្ហូបអាហារនិងផលិតផលអេឡិចត្រូនិក ។ តាមដំណឹងបានឲ្យដឹងថា កិច្ចព្រមព្រៀងនេះនឹងជួយកាត់បន្ថយការចំណាយរបស់ពាណិជ្ជករប្រកបដោយប្រសិទ្ធភាព ។
កិច្ចព្រមព្រៀងស្តីពីការកែលម្អយន្តការអំពីការដោះស្រាយជម្លោះនឹងជួយកែលម្អយន្តការនៃការដោះស្រាយជម្លោះរវាងបណ្តាប្រទេសអាស៊ាននានា ដើម្បីធ្វើឱ្យវាស្របទៅតាមការធ្វើកំណែទម្រង់នៃអង្គការពាណិជ្ជកម្មពិភពលោក ។