បន្ទប់ពិសោធអវកាសចិនសញ្ញា Tiangong-2 បាន “ ត្រឡប់មកដល់ភពផែនដី” វិញ ដោយជោគជ័យកាលពីថ្ងៃទី ១៩ ខែកក្កដា ដែលបានបង្ហាញថា ភារកិច្ចទាំងអស់នៃដំណាក់កាលបន្ទប់ពិសោធអវកាសផ្នែកវិស្វកម្មបញ្ជូនមនុស្សចូលទៅអវកាសរបស់ប្រទេសចិនបានបញ្ចប់ដោយជោគជ័យ។
យានអវកាសសញ្ញា Tiangong-2 ត្រូវបានបង្ហោះចូលក្នុងគន្លងកាលពីថ្ងៃទី ១៥ ខែកញ្ញា ឆ្នាំ ២០១៦ បានដំណើរការរយៈពេលជាង ១០០០ ថ្ងៃ។ ក្នុងអំឡុងពេលដំណើរការនោះ បានធ្វើពិសោធវិស័យអវកាសនិងផ្នែកបច្ចេកវិទ្យាចំនួនជាង ៦០ ហើយទទួលបានលទ្ធផលមួយចំនួនធំ ដែលមានកម្រិតឈានមុខលើឆាកអន្តរជាតិ និងអាចទទួលបានអត្ថប្រយោជន៍សម្រាប់វិស័យសំខាន់ៗទៀត។
សូមបញ្ជាក់ថា វិស្វកម្មបញ្ជូនមនុស្សទៅអវកាសរបស់ប្រទេសចិនចាប់ផ្តើមពីឆ្នាំ ១៩៩២ ។ បានបញ្ជូនយានអវកាសដឹកមនុស្សចំនួន ១១ គ្រឿង, យានអវកាសដឹកទំនិញចំនួន ១ គ្រឿង , ឧបករណ៍ហោះហើរចំនួន ១ គ្រឿង និងបន្ទប់ពិសោធអវកាសចំនួន ១ ចូលដែនអវកាសដោយជោគជ័យ ព្រមទាំងបញ្ជូនអវកាសយានិកចំនួន ១១ នាក់ទៅអវកាសនិងត្រឡប់មកផែនដីវិញប្រកបដោយសុវត្ថិភាព។
ប្រទេសចិនក៏បន្តជំរុញកិច្ចសហប្រតិបត្តិការអន្តរជាតិផ្នែកបញ្ជូនមនុស្សទៅអវកាសផងដែរ៕