លោកស្រីMerkel នាយករដ្ឋមន្ត្រីអាល្លឺម៉ង់បានថ្លែងកាលពីថ្ងៃទី ១៩ ខែកក្កដាថា ការដែលកិច្ចព្រមព្រៀងដោយគ្រប់ជ្រុងជ្រោយស្តីពីនុយគ្លេអ៊ែរអ៊ីរ៉ង់ត្រូវបំផ្លាញ មិនមែនជាទំនួលខុសត្រូវដោយឯកតោភាគីរបស់អ៊ីរ៉ង់ឡើយ ។ លោកស្រីបានអំពាវនាវឱ្យធ្វើការព្យាយាមទំនាក់ទំនងការទូតតាមគ្រប់រូបភាព ដើម្បីចៀសវាងមិនឱ្យភាពតានតឹងនៅឈូងសមុទ្រកាន់តែធ្ងន់ធ្ងរ ។
ពេលឆ្លើយនឹងសំនួររបស់អ្នកយកព័ត៌មាននៅក្នុងសន្និសីទកាសែតរដូវក្តៅដែលប្រារព្ធធ្វើឡើងជារៀងរាល់ឆ្នាំម្តងកាលពីថ្ងៃដដែលនោះ លោកMerkelបានថ្លែងថា អាមេរិកបានប្រកាសមុនគេនូវការដកខ្លួនចេញពីកិច្ចព្រមព្រៀងនុយគ្លេអ៊ែរអ៊ីរ៉ង់ ដូច្នេះកិច្ចព្រមព្រៀងនេះត្រូវបានប្រឈមនឹងបញ្ហានាពេលបច្ចុប្បន្ននេះ ។
លោកស្រីបានបញ្ជាក់ថា អ៊ីរ៉ង់បានធ្វើពាក្យសន្យាក្នុងការគោរពតាមកិច្ចព្រមព្រៀងនុយគ្លេអ៊ែរនាពេលបច្ចុប្បន្ន វាមានអត្ថន័យយ៉ាងខ្លាំងសម្រាប់អ៊ីរ៉ង់ក្នុងការបង្ហាញពីមេត្រីភាពទៅកាន់សហគមន៍អន្តរជាតិ ។