រសៀលថ្ងៃទី១៨ខែកញ្ញា អ្នកក្រុងហុងកុងរាប់សិបនាក់បានជួបជុំគ្នានៅសួនគោរពវិញ្ញាណក្ខន្ធវីរជនWujiaotengដែលស្ថិតនៅខណ្ឌDapuតំបន់ថ្មីនៃកោះហុងកុង ដើម្បីបង្ហាញពីកំហឹងនិងការថ្កោលទោសយ៉ាងខ្លាំងចំពោះពួកឧទ្ទាមជ្រុលនិយមដែលបំផ្លិចបំផ្លាញនិងគូសវាសលើស្តូបក្នុងសួនគោរពវិញ្ញាណក្ខន្ធវីរជន ព្រមទាំងទាមទារឱ្យរដ្ឋបាលនៃតំបន់រដ្ឋបាលពិសេសតាមចាប់ខ្លួនជនបង្កមកផ្តន្ទាទោសតាមច្បាប់ក្នុងពេលឆាប់ៗ ។
សូមរំលឹកថា នៅថ្ងៃទី១៧ខែកញ្ញា មានអ្នកក្រុងហុងកុងបានប្រទះឃើញថា កន្លែងជាច្រើន ដូចជាស្លាកសញ្ញាផ្លូវនិងវិមានរំលឹកក្នុងសួនគោរពវិញ្ញាណក្ខន្ធវីរជនWujiaotengត្រូវគេគូសវាស ដូច្នេះបានប្តឹងប៉ូលីសភ្លាម ។ នៅថ្ងៃទី១៨ខែកញ្ញា សមាគមក្នុងសង្គមដូចជាសហព័ន្ធអតីតយុទ្ធជននៃអតីតកងពលតូចឯករាជ្យហុងកុងនិងសហព័ន្ធសមាគមសង្គមតំបន់ថ្មីជាដើមបានបំផុសការជួបជុំលើកនេះ ដើម្បីសម្តែងការថ្កោលទោសយ៉ាងខ្លាំងចំពោះអំពើបំផ្លិចបំផ្លាញរបស់ពួកឧទ្ទាម ៕
