ថ្ងៃទី ១១ ខែវិច្ឆិកា តាមម៉ោងក្នុងតំបន់ លោក ស៊ី ជីនភីង ប្រធានរដ្ឋចិនបានជួបពិភាក្សាជាមួយលោក Prolopis Pavlopoulos ប្រធានាធិបតីក្រិកនៅក្រុងអាថែន រដ្ឋធានីប្រទេសក្រិក ។
ក្នុងកិច្ចជំនួប លោក ស៊ី ជីនភីង បានគូសបញ្ជាក់ថា ខ្ញុំសង្ឃឹមថា ប្រទេសទាំងពីរចិននិងក្រិកអាចធ្វើការខិតខំប្រឹងប្រែងជាមួយគ្នា ក្នុងន័យធ្វើឱ្យស៊ីជម្រៅនូវកិច្ចសហប្រតិបតិ្តការ ប្រើប្រាស់សមិទ្ធផលវប្បធម៌សម្រាប់ជំរុញការផ្លាស់ប្តូរខាងអរិយធម៌ និងផ្តួចផ្តើមការកសាងរបៀបរៀបរយអន្តរជាតិដែលមានភាពកាន់តែយុត្តិធម៌និងសមហេតុផល ដើម្បីធ្វើឱ្យអរិយប្រទេសបុរាណទាំងពីរចិននិងក្រិកមានពន្លឺចែងចាំងថ្មីនៅយុគសម័យថ្មី ។
ជាការឆ្លើយតប លោក Pavlopoulos បានថ្លែងថា ក្រិកនឹងបន្តផ្តល់ការគាំទ្រយ៉ាងមុតមាំដល់ប្រទេសចិនជាបន្តទៀតក្នុងការគាំពារផលប្រយោជន៍ស្នូលរបស់ខ្លួន និងរួមសហការយ៉ាងសកម្មជាមួយប្រទេសចិនដើម្បីរួមគ្នាកសាងខ្សែក្រវាត់និងផ្លូវ ។ ប្រទេសក្រិករីករាយបន្តធ្វើការខិតខំប្រឹងប្រែងជាមួយប្រទេសចិន ក្នុងន័យជំរុញការអភិវឌ្ឍទំនាក់ទំនងរវាងអឺរ៉ុបនិងចិន និងជំរុញកិច្ចសហប្រតិបតិ្តការរវាងអឺរ៉ុបកណ្តាលនិងខាងកើតជាមួយចិន ក៏ដូចជាចាប់ដៃគ្នាដើម្បីរួមចំណែកក្នុងការជំរុញសច្ចភាព យុត្តិធម៌អន្តរជាតិ និងវឌ្ឍនភាពរបស់មនុស្សជាតិផងដែរ ៕