ថ្ងៃទី១៤ខែវិច្ឆិកា តាមម៉ោងក្នុងតំបន់ លោកស៊ីជីនភីងប្រធានរដ្ឋចិនបានជួបពិភាក្សាជាមួយលោកRamaphosaប្រធានាធិបតីអាហ្រ្វិកខាងត្បូងនៅក្រុងប្រេស៊ីលីយ៉ា ។
ថ្លែងក្នុងកិច្ចជំនួប លោកស៊ីជីនភីងបានលើកឡើងថា ភាគីទាំងពីរគួរតែបន្តរក្សានូវការប្រាស្រ័យទាក់ទងជាយុទ្ធសាស្រ្ត យោគយល់គ្នានិងគាំទ្រគ្នាទៅវិញទៅមកក្នុងបញ្ហាពាក់ព័ន្ធដល់ផលប្រយោជន៍ស្នូលរៀងខ្លួនក៏ដូចជាបញ្ហាសំខាន់ៗដែលយកចិត្តទុកដាក់ដូចគ្នា ។ ភាគីទាំងពីរគួរតែបង្កើនការតភ្ជាប់គ្នាខាងយុទ្ធសាស្រ្តអភិវឌ្ឍន៍ ពង្រីកយ៉ាងសកម្មនូវទំហំពាណិជ្ជកម្មនិងការវិនិយោគទ្វេភាគី ពង្រឹងនិងពង្រីកកិច្ចសហប្រតិបត្តិការលើវិស័យផលិតភាព ឧស្សាហកម្មនិងកិច្ចកសាងហេដ្ឋារចនាសម្ព័ន្ធជាដើម ក៏ដូចជារួមគ្នាកសាងខ្សែក្រវាត់និងផ្លូវផងដែរ ។
ជាការឆ្លើយតប លោកRamaphosaបានថ្លែងថា អាហ្រ្វិកខាងត្បូងគាំទ្រយ៉ាងមុតមាំនូវការអភិវឌ្ឍនិងការរីកចម្រើនខ្លាំងក្លារបស់ប្រទេសចិន ប្រឆាំងយ៉ាងដាច់ខាតចំពោះអំពើអនុត្តរភាពនិងឯកតោភាគីលើផ្ទៃអន្តរជាតិដែលសំដៅទៅរកប្រទេសចិននិងការផ្តល់ភាពអយុត្តិធម៌ចំពោះសហគ្រាសចិន ក៏ដូចជាគាំទ្រប្រទេសចិនក្នុងការគាំពារអធិបតេយ្យភាព សិទ្ធិនិងផលប្រយោជន៍ដ៏ត្រឹមត្រូវរបស់ខ្លួនផងដែរ ៕