ថ្ងៃទី ១៥ ខែវិច្ឆិកា លោកGeng Shuangអ្នកនាំពាក្យក្រសួងការបរទេសចិនបានថ្លែងថា នៅថ្ងៃទី ២១ ខែវិច្ឆិកា លោកលី ខឺឈាង នាយករដ្ឋមន្រ្តីចិននឹងចូលរួមកិច្ចសន្ទនាតុមូល”១+៦”លើកទី ៤ ជាមួយលោក David Malpass ប្រធានធនាគារពិភពលោក លោកស្រី Kristalina Georgieva អគ្គនាយកអង្គការមូលនិធិរូបិយវត្ថុអន្តរជាតិ លោក Alan Wolff អគ្គនាយករងអង្គការពាណិជ្ជកម្មពិភពលោក លោក Guy Ryder អគ្គនាយកអង្គការពលកម្មអន្តរជាតិ លោក Angel Gurría អគ្គលេខាធិការអង្គការសហប្រតិបត្តិការនិងអភិវឌ្ឍន៍សេដ្ឋកិច្ច និងលោក Randal Quarles ប្រធានក្រុមប្រឹក្សាស្ថិរភាពហិរញ្ញវត្ថុ ដើម្បីធ្វើការពិគ្រោះពិភាក្សានិងផ្លាស់ប្តូរមតិយោបល់អំពីបញ្ហាដូចជាស្ថានភាពសេដ្ឋកិច្ចជាសកលនិងការសម្របសម្រួលផ្នែកគោលនយោបាយម៉ាក្រូ ការបើកចំហក្នុងកម្រិតកាន់តែខ្ពស់ដើម្បីជំរុញកំណើនសេដ្ឋកិច្ច ព្រមនិងជំរុញអភិបាលកិច្ចនិងកំណែទម្រង់សេដ្ឋកិច្ចជាសកលជាដើម ៕