ក្នុងឱកាសទិវាអ្នកស្ម័គ្រចិត្តអន្តរជាតិលើកទី 34 គណៈកម្មាធិការរៀបចំការប្រកួតកីឡាអូឡាំពិកក្រុងប៉េកាំងឆ្នាំ ២០២២ បានចាប់ផ្តើមការងារជ្រើសរើសអ្នកស្ម័គ្រចិត្តពីទូទាំងសកលលោក ដោយត្រូវការអ្នកស្ម័គ្រចិត្តសម្រាប់ការប្រកួតកីឡាអូឡាំពិកចំនួន ២ ម៉ឺន ៧ ពាន់នាក់ និងអ្នកស្ម័គ្រចិត្តសម្រាប់ការប្រកួតកីឡាប៉ារ៉ាឡាំពិកចំនួន ១ ម៉ឺន ២ ពាន់នាក់។
តាមការណែនាំបានឱ្យដឹងថា អ្នកស្ម័គ្រចិត្តត្រូវបែងចែកជាពីរប្រភេទធំៗ គឺ អ្នកស្ម័គ្រចិត្តទូទៅ និងអ្នកស្ម័គ្រចិត្តជំនាញវិជ្ជាជីវៈ នឹងចូលរួមបម្រើសេវាស្ម័គ្រចិត្តចំនួន ១២ ប្រភេទ ដូចជាទំនាក់ទំនងអន្តរជាតិ ការរៀបចំការប្រកួត និងការរក្សាដំណើរការនៃទីលានប្រកួតជាដើម។ ក្នុងនោះ អ្នកស្ម័គ្រចិត្តជំនាញវិជ្ជាជីវៈត្រូវមានសមត្ថភាពផ្តល់សេវាភាសាអង់គ្លេសឬភាសាចិន ផ្នែកវេជ្ជសាស្ត្រ ការបើកបរជាដើម។
- គេហ័ទំព័រចុះឈ្មោះ ៖ vol.beijing2022.cn
- រយៈពេលចុះឈ្មោះ ៖ ពីថ្ងៃទី ៥ ខែធ្នូ ឆ្នាំ ២០១៩ ដល់ ថ្ងៃទី ៣០ ខែមិថុនា ឆ្នាំ ២០២១