កាលពីពេលថ្មីៗនេះ ប្រព័ន្ធផ្សព្វផ្សាយ CNN បានផ្សាយថា លោកAizi Aisha កវីជនជាតិ Uygur ម្នាក់ដែលកំពុងស្នាក់នៅទីក្រុងឡុងដ៍មិនបានរកឃើញផ្នូររបស់ឪពុកគាត់ ហើយអះអាងថា ផ្នូរជនជាតិ Uygur រាប់រយកន្លែងត្រូវបានបំផ្លាញដោយរដ្ឋបាលតំបន់ ថែមទាំងបានបញ្ជាក់ថា នេះជាមធ្យោបាយមួយរបស់រដ្ឋាភិបាលចិនក្នុងការលុបបំបាត់អត្តសញ្ញាណវប្បធម៌ជនជាតិ Uygur ។
ប៉ុន្តែ លោកស្រី Aipizhamu Nizhamuding ជាម្តាយរបស់លោកAizi Aisha បាននាំអ្នកសារព័ត៌មានCGTN ទៅដល់ទីបញ្ចុះសពរបស់ឪពុកលោកផ្ទាល់ ដោយបាននិយាយរឿងមួយដែលផ្ទុយគ្នាទាំងស្រុង ។
ម្តាយរបស់លោក Aizi Aisha បានថ្លែងថា ជនមូស្លីមជនជាតិ Uygurដែលរស់នៅក្នុងទីជនបទនៃភូមិភាគXinjiang មានទំនៀមទម្លាប់មួយ គឺបញ្ចុះសពរបស់សាច់ញាតិ ហើយឪពុករបស់លោក Aizi Aisha ក៏ដូចគ្នាដែរ ។ ប៉ុន្តែ ផ្នូរតែងតែត្រូវបានបំផ្លាញដោយសារកត្តាធាតុអាកាស ដូច្នេះ អ្នកភូមិក្នុងតំបន់តែងតែរៀបចំផ្នូរឡើងវិញជាញឹកញយ ។ ដើម្បីដោះស្រាយបញ្ហានេះ មន្ទីរកិច្ចការស៊ីវិលក្នុងតំបន់បានចំណាយពេលជាង ១០ ឆ្នាំដើម្បីប្រមូលផ្តុំស្នើសុំយោបល់ពីសាធារណជន ជាលទ្ធផលបានសាងសង់ទីបញ្ចុះសពអេកូ-បរិស្ថានថ្មីមួយនៅក្បែរទីបញ្ចុះសពចាស់ ។ លោកស្រី Aipizhamu ក៏បានផ្លាស់ប្តូរផ្នូររបស់ស្វាមីទៅដល់ទីបញ្ចុះសពថ្មីនៅដំណាច់ឆ្នាំ ២០១៨ ។
ម្តាយរបស់លោក Aizi Aisha បានប្រាប់អ្នកសារព័ត៌មានCGTN ថា ពួកយើងទាំងអស់គ្នាបានរើផ្នូរដោយស្ម័គ្រចិត្ត ។ ទីបញ្ចុះសពថ្មីមានលក្ខណៈសម្បត្តិល្អប្រសើរ ហើយក៏មិនរងផលប៉ះពាល់ពីកត្តាធាតុអាកាសផងដែរ ។ ដូច្នេះពួកយើងពេញចិត្តណាស់ ។
ទីបញ្ចុះសពចាស់
ទីបញ្ចុះសពថ្មី
