ថ្ងៃទី ២៥ ខែមករា ជាថ្ងៃទីមួយក្នុងឆ្នាំថ្មីតាមចន្ទគតិចិន ហើយក៏ជាថ្ងៃបុណ្យចូលឆ្នាំថ្មីប្រពៃណីចិនដែលប្រជាជនចិនយកចិត្តទុកដាក់ជាងគេ ។ យោងតាមគ្រឿងឧបភោគបរិភោគបរទេសកាន់តែច្រើនឡើងៗនាំចូលទៅកាន់ប្រទេសចិន ម្ហូបអាហារនៅយប់ដាច់ឆ្នាំប្រពៃណីចិនក៏បានបន្ថែមរសជាតិអន្តរជាតិកាន់តែច្រើនផងដែរ ។
ប្រទេសចិនមានប្រជាជន១ពាន់៤រយលាននាក់ មានក្រុមមនុស្សបានចំណូលមធ្យមដែលមានទ្រង់ទ្រាយធំជាងគេនៅលើពិភពលោក និងមានភាពកើនឡើងឆាប់ជាងគេ ដូច្នេះ កម្រិតចំណាយនិងតម្រូវការខាងគុណភាពចំណាយសុទ្ធតែកើនឡើងឥតឈប់ឈរ ។ ព្រមជាមួយគ្នានេះ ប្រទេសចិនបានដាក់ចេញវិធានការមួយចំនួនដើម្បីជំរុញការនាំចូល ក្នុងន័យបើកផ្លូវបៃតងសម្រាប់ឱ្យផលិតផលមានគុណភាពនាំចូលទៅកាន់ប្រទេសចិន ។ ក្រៅពីនេះ ធុរកិច្ចអេឡិចត្រូនិចឆ្លងដែនក៏ទទួលបានការវិវឌ្ឍរីកចម្រើនយ៉ាងខ្លាំងដែលបានជំរុញបណ្តាប្រទេសនានាបង្កើនការនាំចេញទៅកាន់ប្រទេសចិន ។
ឆ្លងតាមរយៈការអនុវត្តវិធានការជាក់ស្តែងមួយចំនួន ប្រទេសចិនបានបើកទ្វារកាន់តែទូលំទូលាយ ហើយក៏បានចាក់គ្រឹះសេដ្ឋកិច្ចសម្រាប់ទប់ទល់នឹងបញ្ហាប្រឈមនិងហានិភ័យផងដែរ ។ ពិតមែនតែក្នុងអំឡុងពេលបុណ្យចូលឆ្នាំថ្មីចិនឆ្នាំនេះ បានកើតមានសភាពជំងឺឆ្លងក្តី ក៏ប៉ុន្តែនេះគ្រាន់តែជាការលំបាកជាបណ្តោះអាសន្ននោះទេ ទីផ្សារចិននៅតែមានភាពចម្រុងចម្រើនដដែល ។
ម្ហូបអាហារនៅយប់ដាច់ឆ្នាំនៃប្រជាជនចិនកាន់តែប្រកបដោយរសជាតិអន្តរជាតិ ប្រការនេះបានបង្ហាញឱ្យឃើញនូវបេ្តជ្ញាចិត្តរបស់ប្រទេសចិនដែលនឹងបើកទ្វារកាន់តែទូលំទូលាយនិងចែករំលែកកាលានុវត្តភាពអភិវឌ្ឍជាមួយបណ្តាប្រទេសនានាលើពិភពលោក ។ ប្រការនេះនឹងប្រមូលផ្តុំជាកម្លាំងចលករយ៉ាងខ្លាំងសម្រាប់ជំរុញកំណើនសេដ្ឋកិច្ចពិភពលោកទាំងមូល ក្នុងន័យនាំមកនូវអារម្មណ៍ចែករំលែកបាននិងអារម្មណ៍សុភមង្គលដល់ប្រទេសនិងប្រជាជនកាន់តែច្រើន ៕
