ថ្ងៃទី ២៤ ខែមករា លោក Charles Michel ប្រធានក្រុមប្រឹក្សាអឺរ៉ុបបានបំពេញទស្សនកិច្ចនៅប្រទេសអាល់បានីនិងម៉ាសេដូនខាងជើង ដើម្បីធ្វើការពិគ្រោះពិភាក្សាជាមួយថ្នាក់ដឹកនាំនៃប្រទេសទាំងពីរអំពីបញ្ហាដែលប្រទេសអាល់បានីនិងម៉ាសេដូនខាងជើងចូលជាសមាជិកសហភាពអឺរ៉ុប ។ លោក Charles Michel បានថ្លែងថា ប្រទេសជាសមាជិកសហភាពអឺរ៉ុបនឹងធ្វើការពិភាក្សាថែមទៀតអំពីយុទ្ធសាស្រ្តថ្មីនៃការពង្រីកសហភាពអឺរ៉ុបក្នុងប៉ុន្មានសប្តាហ៍ខាងមុខនេះ ។
សូមបញ្ជាក់ថា ប្រទេសអាល់បានីនិងម៉ាសេដូនខាងជើងបានក្លាយទៅជាប្រទេសបេក្ខជនជាសមាជិកសហភាពអឺរ៉ុបនៅឆ្នាំ ២០១៤ និងឆ្នាំ ២០០៥ ដោយឡែកពីគ្នា ។ ក្នុងកិច្ចប្រជុំកំពូលសហភាពអឺរ៉ុបដែលបានបើកធ្វើនៅខែតុលា ឆ្នាំ ២០១៩ ដោយមកពីប្រទេសបារាំងជាដើមបានលើកឡើងការប្រឆាំង បានជាប្រទេសជាសមាជិកសហភាពអឺរ៉ុបមិនបានឈានដល់គំនិតឯកភាពរួមអំពីការចាប់ដំណើរការការចរចាអំពីការចូលជាសមាជិកសហភាពអឺរ៉ុបរបស់អាល់បានីនិងម៉ាសេដូនខាងជើងនោះឡើយ ៕
