ថ្ងៃទី២៥ខែមករា គណៈកម្មការអចិន្រ្តៃយ៍នៃការិយាល័យនយោបាយនៃគណៈកម្មាធិការមជ្ឈិមបក្សកុម្មុយនិស្តចិនបានបើកធ្វើកិច្ចប្រជុំដើម្បីស្តាប់របាយការណ៍អំពីការងារបង្ការនិងគ្រប់គ្រងសភាពជំងឺរលាកសួតបង្កឡើងដោយវីរុសកូរ៉ូណាថ្មី និងធ្វើការសិក្សាស្រាវជ្រាវ រៀបចំចាត់ចែងការងារនិងបំផុសស្មារតីម្តងទៀតចំពោះការងារបង្ការនិងគ្រប់គ្រងសភាពជំងឺឆ្លង ជាពិសេសគឺការងារព្យាបាលអ្នកជំងឺ ។ លោកស៊ីជីនភីងអគ្គលេខាធិការនៃគណៈកម្មាធិការមជ្ឈិមបក្សកុម្មុយនិស្តចិនធ្វើជាអធិបតីក្នុងកិច្ចប្រជុំ ព្រមទាំងថ្លែងសុន្ទរកថាគន្លឹះ។
កិច្ចប្រជុំលើកនេះបានសម្រាចថា មជ្ឈិមបក្សកុម្មុយនិស្តចិននឹងបង្កើតក្រុមដឹកនាំការងារទប់ទល់នឹងសភាពជំងឺឆ្លងដែលនឹងប្រព្រឹត្តិទៅក្រោមការដឹកនាំរបស់គណៈកម្មការអចិន្រ្តៃយ៍នៃការិយាល័យនយោបាយនៃគណៈកម្មាធិការមជ្ឈិមបក្សកុម្មុយនិស្តចិន។មជ្ឈិមបក្សកុម្មុយនិស្តចិននឹងចាត់បញ្ជូនក្រុមណែនាំទៅកាន់តំបន់ដែលមានសភាពជំងឺឆ្លងដ៏ធ្ងន់ធ្ងរ ដូចជាខេត្តហ៊ូពេជាដើម ដើម្បីជំរុញតំបន់ពាក់ព័ន្ធបង្កើនការងារបង្ការនិងគ្រប់គ្រងដោយគ្រប់ជ្រុងជ្រោយ ៕
