កម្មវិធី «រាត្រីសមោសរអបអរសាទរបុណ្យចូលឆ្នាំថ្មីប្រពៃណីចិនឆ្នាំ២០២០»នៃអគ្គស្ថានីយវិទ្យុនិងទូរទស្សន៍មជ្ឈិមចិនបានចាក់ផ្សាយដោយគាប់ប្រសើរ ដែលបានបំបែកឯតទគ្គកម្មនៃការផ្សព្វផ្សាយតាមរយៈពហុប្រព័ន្ធសារព័ត៌មាន ។ ក្នុងកម្មវិធីរាត្រីសមោសរឆ្នាំនេះបានប្រើប្រាស់បច្ចេវិទ្យាថ្មីជាច្រើនជាលើកដំបូង បានបង្ហាញឱ្យឃើញនូវការទទួលបន្ទុកលើភារកិច្ចនិងទំនួលខុសត្រូវរបស់ប្រព័ន្ធសារព័ត៌មានជាតិ ហើយក៏បានបង្ហាញឱ្យឃើញនូវភាពទាក់ទាញ ភាពរស់រវើកនិងភាពច្នៃប្រឌិតថ្មីរបស់កម្មវិធីនៃរាត្រីសមោសរអបអរសាទរបុណ្យចូលឆ្នាំថ្មីប្រពៃណីចិនក្នុងយុគសម័យថ្មី ។
តាមការធ្វើស្ថិតិឱ្យដឹងថា នៅយប់ដាច់ឆ្នាំ ប៉ុស្តិ៍ទូរទស្សន៍ចំនួន២២៥ក្នុងប្រទេសចិនបានផ្សាយផ្ទាល់កម្មវិធីរាត្រីសមោសរ ប្រព័ន្ធសារព័ត៌មានចំនួនជិត៦០០នៃប្រទេសនិងតំបន់ចំនួនជាង១៧០នៅលើពិភពលោក បានផ្សាយព័ត៌មានអំពីកម្មវិធីរាត្រីសមោសរលើកនេះ ។ ក្នុងរយៈពេលផ្សាយផ្ទាល់កម្មវិធី រាត្រីសមោសរត្រូវបានផ្សព្វផ្សាយតាមរយៈពហុប្រព័ន្ធសារព័ត៌មាន ដូចជាទូរទស្សន៍ វេបសាយនិងបណ្តាញទំនាក់ទំនងសង្គមជាដើម អ្នកទស្សនាទាំងជាតិនិងអន្តរជាតិមានចំនួនសរុប ១២៣២លាននាក់ ក្នុងនោះ ទស្សនិកជនដែលទស្សនាកម្មវិធីផ្សាយផ្ទាល់តាមរយៈប្រព័ន្ធសារព័ត៌មានបែបថី្មមានចំនួន៦០៦លាននាក់ និងទស្សនិកជនសរុប ១១១៦លាននាក់ ៕
