តាមដំណឹងនៃទីភ្នាក់ងាសារព័ត៌មានស៊ីរីបានឱ្យដឹងថា នាយប់ជ្រៅថ្ងៃទី២៥ខែមករា កងទ័ពរដ្ឋាភិបាលស៊ីលីបានបំផុសការបាញ់ប្រហារដោយកាំភ្លើងធំយ៉ាងខ្លាំងក្លាទៅលើកងកម្លាំងប្រដាប់អាវុធនៃបក្សប្រឆាំងដែលស្ថិតនៅជាយខាងលិចក្រុង Aleppo ជាទីរួមខេត្ត Aleppo ភាគខាងជើងប្រទេសស៊ីរី។
ផ្នែកយោធាស៊ីរីបានចេញសេចក្តីថ្លែងការណ៍នាថ្ងៃដដែលថា អង្គការប្រដាប់អាវុធក្នុងនោះមានអង្គការជ្រុលនិយម”រណស្សិយកឈ្នះ”ជាសំខាន់បានបំផ្លិចបំផ្លាញជាំបន្តបន្ទាប់នូវកិច្ចព្រមព្រៀងស្តីពីតំបន់កាត់បន្ថយកម្រិតប៉ះទង្គិចគ្នា ដោយបានធ្វើការវាយប្រហារទៅលើតំបន់ជនស៊ីវិលនិងមូលដ្ឋាននៃកងទ័ពរដ្ឋាភិបាលក្នុងខេត្ត Aleppo និង Idlib ផ្នែកយោធាមិនអនុញ្ញាតឱ្យសភាពការណ៍បែបនេះបន្តដំណើរការតទៅទៀតនោះទេ។
សេចក្តីថ្លែងការណ៍បានឱ្យដឹងថា កងទ័ពរដ្ឋាភិបាលសម្រេចបន្តធ្វើសកម្មភាពយោធានៅខេត្តទាំងពីរនេះ ដើម្បីបញ្ចប់ការវាយប្រហារនៃអង្គការប្រដាប់អាវុធចំពោះជនស៊ីវិលក្នុងតំបន់ទាំងពីរនេះ ក្នុងន័យធ្វើឱ្យប្រជាពលរដ្ឋមានជីវភាពរស់នៅជាប្រក្រតីឡើងវិញ៕
