ពេលថ្មីៗនេះ លោកថាន់វឹនជាប្រធានផ្នែកបច្ចេកទេសទប់ទល់នឹងសភាពអាសន្ននៃវិទ្យាស្ថានស្រាវជ្រាវវីរុសនៃមជ្ឈមណ្ឌលគ្រប់គ្រងជំងឺរបស់ប្រទេសចិនបានថ្លែងថា បច្ចុប្បន្ននេះ យើងបានរកឃើញថា វីរុសកូរ៉ូណាប្រភេទថ្មីគឺមានការវិវឌ្ឍស្រដៀងបង្គួរជាមួយនឹង SARS ។ ក៏ប៉ុន្តែ យើងសម្គាល់ឃើញថា វីរុសប្រភេទថ្មីដែលរកឃើញលើកនេះមិនមែនវិវឌ្ឍពី SARS នោះទេ តែគឺជាវីរុសថ្មីស្រឡាងម្យ៉ាង។
លោកថាន់វឹនជាបានថ្លែងទៀតថា យើងបានរកឃើញថា វីរុសថ្មីគឺស្រដៀងគ្នា ៩០% ជាមួយនឹងវីរុសកូរ៉ូណាលើសត្វបាតម្យ៉ាងនៅក្រុងចូវសានខេត្តចឺជាំង ចំណែកឯបរទេសក៏មានការអះអាងថាបានរកឃើញថាវីរុសកូរ៉ូណាលើសត្វបាតម្យ៉ាងទៀតមានភាពស្រដៀងគ្នា៩៦%ជាមួយវីរុសកូរ៉ូណាដែលបានរកឃើញបច្ចុប្បន្ន ប៉ុន្តែ ទោះបីជាស្រដៀងម្លឹងក៏ដោយ ក៏មិនអាចបញ្ជាក់ថារីរុសកូរ៉ូណាថ្មីបានមកពីសត្វបាតនោះទេ។
ម្យ៉ាងវិញទៀត មជ្ឈមណ្ឌលគ្រប់គ្រងជំងឺរបស់ប្រទេសចិនបានបង្ហាញថា បច្ចុប្បន្ននេះ ប្រទេសចិនបានចាប់ដំណើរការការសិក្សាស្រាវជ្រាវពីវ៉ាក់សាំងសម្រាប់វីរុសកូរ៉ូណាថ្មី ព្រមទាំងបានបែកចេញពីគ្នានូវរីរុសដោយជោគជ័យ។ជាមួយគ្នានេះដែរ មជ្ឈមណ្ឌលគ្រប់គ្រងជំងឺរបស់ប្រទេសចិនក៏បាននិងកំពុងធ្វើការសម្រាំងឱសថសម្រាប់ជំងឺរលាកសួតបង្កឡើងដោយវីរុសកូរ៉ូណាថ្មីផងដែរ៕
