នៅក្រុងឆាងសាខេត្តហ៊ូណានប្រទេសចិន មានហាងលក់នំខេកតូចមួយ បានដំណើរការជាង៩ឆ្នាំហើយដែលមិនរកប្រាក់ចំណេញសោះ ថៅកែរបស់ហាងលក់នំខេកនេះជាជនជាតិអាល្លឺម៉ង់ លោក ឈ្មោះ វូជឹងយុង មានអាយុជាង៥០ឆ្នាំ លោកអាចនិយាយភាសាចិនដោយស្ទាត់មាត់ ហើយក៏អាចនិយាយភាសាតំបន់ហ៊ូណានខ្លះដែរ។
រយៈពេល១៨ឆ្នាំមុន លោក វូ ជឹង យុង និងភរិយារបស់លោកបានចាកចេញពីប្រទេសអាល្លឺម៉ង់ដែលមានការងារល្អនិងស្ថិរភាពនៅកន្លែងនោះ មកដល់ក្រុងឆាងសាប្រទេសចិនដើម្បីជួយកុម៉ារមានបញ្ហាខ្សោយការស្តាប់ ។ក្នុងអំឡុងពេល១៨ឆ្នាំ លោកនិងភរិយាបានជួយកុមារមានបញ្ហាខ្សោយការស្តាប់ជិត៥០០នាក់ ដែលបង្រៀនពួកគេនិយាយ ជួយពួកគេចូលសាលារៀន។
កាលពីឆ្នាំ២០១១ លោកវូ ជឹង យុង បានសម្រេចបើកហាងលក់នំខេកមួយដើម្បីបង្រៀនអ្នកមានបញ្ហាខ្សោយការស្តាប់ធ្វើនំ លោកបាននិយាយថា ប្រសិនបើអាចបង្រៀនអ្នកមានបញ្ហាខ្សោយការស្តាប់ក្តាប់ជំនាញម្យ៉ាង នោះ ជីវភាពរបស់ពួកគេប្រហែលនិងងាយស្រួលបន្តិច ។
លោកវូ ជឹង យុង បានប្រាប់អ្នកសារព័ត៌មានថា អស់រយៈពេលជាច្រើនឆ្នាំកន្លងមកហាងនំខេកនេះបានដំណើរការមិនរកប្រាក់ចំណេញទេ ហើយលោកមិនដែលគិតថាពីការបោះបង់ទេលោកចង់ប្រកាន់ខ្ជាប់តទៅទៀត។
សូមបញ្ជាក់ថា ក្នុងអំឡុងពេលការរីករាលដាលនៃជំងឺកូវីដ១៩ឆ្នាំនេះ ហាងលក់នំខេកនេះបានខាតលុយរហូត តែលោកមិនបានបញ្ចេញបុគ្គលិកណាម្នាក់ទេ ហើយនំក៏មិនឡើងថ្លៃដែរ ពិព្រោះលោកព្រួយបារម្ភថាបុគ្គលិករបស់លោកប្រហែលមិនងាយរកការងារនៅកន្លែងផ្សេងទៀត៕