ថ្ងៃទី ១១ ខែសីហា ក្រុមប្រេសិតចិនប្រចាំអាហ្វ្រិកនិងគណៈកម្មាធិការសេដ្ឋកិច្ចអាហ្វ្រិកនៃអង្គការសហប្រជាជាតិបានរួមគ្នាបើកធ្វើកិច្ចប្រជុំតាមអនឡាញស្តីពីការសហការគ្នាដើម្បីប្រយុទ្ធប្រឆាំងជំងឺកូវីដ19។ មន្ត្រីគ្រប់រូបដែលចូលរួមកិច្ចប្រជុំបានឯកភាពថា កិច្ចសហប្រតិបត្តិការនិងសាមគ្គីភាពរវាងទ្វីបអាហ្វ្រិកនិងប្រទេសចិនជាការធានាដ៏សំខាន់សម្រាប់អាហ្វ្រិកយកឈ្នះក្នុងការប្រយុទ្ធប្រឆាំងនឹងការរាលដាលនៃជំងឺកូវីដ19។
បន្ទាប់ពីអាហ្វ្រិកបានផ្ទុះរីករាលដាល់ជំងឺកូវីដ19 ប្រទេសចិនបានផ្តល់ជំនួយឧបត្ថម្ភផ្ទាល់មុនគេដោយបានផ្តល់ជំនួយឧបត្ថមជាសម្ភារៈប្រយុទ្ធជំងឺឆ្លងជាច្រើនដងដល់សហភាពអាហ្វ្រិកនិងបណ្តាប្រទេសអាហ្វ្រិក ព្រមទាំងចាត់បញ្ជូនក្រុមអ្នកជំនាញវេជ្ជសាស្ត្រទៅកាន់អាហ្វ្រិក និងបានចែករំលែកនិងផ្លាស់ប្តូរនូវបទពិសោធន៍ព្យាបាលជំងឺកូវីដ19របស់ខ្លួនដោយគ្មានលាក់លៀមជាមួយគូភាគី។
លោកស្រី Vera Songwe អគ្គលេខាធិការនៃគណៈកម្មាធិការសេដ្ឋកិច្ចអាហ្វ្រិកនៃអ.ស.ប.បានកោតសរសើរខ្ពស់ចំពោះការគាំទ្ររបស់ចិនក្នុងការជួយអាហ្វ្រិកប្រយុទ្ធប្រឆាំងនឹងការរាលដាលនៃជំងឺកូវីដ19។ លោកស្រីបានវាយតម្លៃថា ទំនាក់ទំនងរវាងអាហ្វ្រិកនិងចិនបានជួយដល់ទ្វីបអាហ្វ្រិកឱ្យមានសមត្ថភាពកាន់តែខ្ពស់ក្នុងការទប់ទល់នឹងការរាលដាលនៃជំងឺកូវីដ19៕